అభిషేకప్రియుని మాసమేతెంచెనని
అభిషేక ప్రియుని భక్తులు
ఆ ఆదిదేవునికి
అభిషేకమొనరింప
ఉదకమర్పించెనొకరు,
క్షీరమునర్పించెనొకరు,
పుష్పములనర్పించెనొకరు,
బిల్వపత్రంబులను నర్పించెనొకరు.........
ఆ పరమశివుడు అనుగ్రహించు కాలమిదని
శివనామము జపిస్తు కొందరు,
శివపురాణం పఠిస్తు కొందరు,
శివాలయములందు కొందరు,
శివుడే సర్వశ్వం అనుచు కొందరు,
తత్వములతో తన్మయత్వం పొందగ కొందరు,
తన్మయత్వమై శివకీర్తనలతో ప్రార్ధించిరంద‌రు.....
ముక్తినొసగు కార్తీకమందు
ముక్తిని కోరి నీ భక్తులు
భుక్తిచింతలేక
నక్తము ,ఉపవాసము ,
ఏకభక్తములను ధీక్షలతో
చిత్తము నీకర్పించిన
భక్తులను బ్రోవగరావా
భక్తవశంకరా.............
(శంకరవాక్కు)
